Sakinlər bununla bağlı tanınmamış respublikanın prezidentinin insan hüquqları üzrə səlahiyyətli nümayəndəsi David Sanakoyevə müraciət ediblər. Faktı araşdıran Sanakoyev “İnterfaks”a açıqlamasında əraziyə Gürcüstan hərbi birləşmələrinin cəmləşməsi faktını təsdiqləyib. İlkin məlumata görə, Gürcüstan tərəfi hərbi texnika və canlı qüvvəni Adevi gürcü kəndi istiqamətində cəmləşdirir. Artıq tanınmamış respublikanın nümayəndələri bununla bağlı Avropa İttifaqının Gürcüstandakı missiyasına məlumat veriblər. Missiyanın üzvü Matias Van Loxeyzen vəziyyəti araşdıracağına və gərginliyin aradan qaldırılması üçün tədbirlər görəcəyinə söz verib.

Qeyd edək ki, bundan əvvəl tanınmamış respublikanın “prezidenti” Eduard Kokoyta avropalı müşahidəçilərin fəaliyyətindən narazılığını ifadə etmişdi. Onun sözlərinə görə, missiya üzvləri gürcülərin sərhəd bölgəsində yeni atəş nöqtələrinin yaratmasına göz yumurlar: “Hazırda avropalı müşahidəçilik cavabdeh olduğu zonada gürcülərin 35 silahlı postu var. Ümumilikdə sərhədyanı bölgədə 2,500 gürcü silahlısı dislokasiya olunub”.