Azərbaycanda səfərdə olan  Gürcüstanın Diaspora məsələləri üzrə dövlət naziri İulon Qaqoçidze ölkənin şimal-qərb bölgəsində olub. Azərbaycanda gürcülərin ən çox məskunlaşdığı Qax rayonunda ictimaiyyət nümayəndələri ilə görüşən gürcü diplomat Qax-İngiloy kəndində fəaliyyət göstərən gürcü məktəbində şagird və müəllim kollektivi ilə görüşüb. Yerli kilsədə keçirilən görüşdə gürcü nazir Azərbaycan hökumətinin, eləcə də yerli sturukturların diqqət və qayğısını yüksək qiymətləndirib. Əlibəyli kəndində də olan İulon Qaqoçidze burada dram teatrın fəaliyyət göstərməsini iki qonşu ölkə arasında dostluq körpüsü rolunu oynadığını vurğulayıb. İulon Qaqoçidze dahi Azərbaycan şairi Nizami Gəncəvinin adını daşıyan parkın açılış mərasimində iştirak edib. Daha sonra gürcüstanlı qonaqlar Zaqatala və Balakən rayonlarında azsaylı xalqların təhsil, tarix və mədəniyyət, eləcə də folklor nümunələrilə tanış olub.