Bu ilin mayında Moskvada keçiriləcək «Eurovision-2009» mahnı yarışmasında Aysel Teymurzadə və Araşın ifa edəcəyi «Always»-«Hər zaman» mahnısının son variantı hazırdır. Eurovisionun şərtlərinə görə 3 dəqiqədən ibarət olan mahnının yaxın vaxtlarda klip çəkilişlərinə başlanılacaq. Mahnı Avropa musiqinin Azərbaycanın milli musiqisi ilə sintezidir. «Always» -«Hər zaman» mahnısında Azərbaycanın milli musiqi alətlərindən istifadə olunub. Mahının müəllifi əslən cənubi Azərbaycandan olan müğənni Araş mahnının bu cür hazırlanmasının onun ideyası olduğunu bildirib. Mahnının əvvəlində Azərbaycan milli aləti olan tarın ifasını səslənir. Səsyazma prosesində isə Azərbaycan tarzəni Sahib Paşazadə iştirak edib.