Dünya Şotokan Karate-do Federasiyasının (SKİF) prezidenti, 10-cu dan kəmərinin sahibi Kanço Xirokazu Kanazava mayın 14-də Bakıya gələcək.
Kanço Xirokazunun Bakıya səfəri çərçivəsində SKİF-ın rəhbər təlimatçısı Manabu Murakamanın iştirakı ilə 15-16 may tarixlərində növbəti beynəlxalq seminar keçiriləcək.
Seminar başa çatdıqdan sonra mayın 17-də Bakı Olimpiya İdman Kompleksində 12-14 və 15-16 yaşlı idmançılar arasında SKİF versiyası üzrə beynəlxalq turnir start götürəcək. Beynəlxalq turnirdə Azərbaycan idmançıları ilə yanaşı, Gürcüstan, İran, Rusiya və Türkiyə komandaları da iştirak edəcək. /Azərtac/