Oğrular avtomobilin şüşəsini sındırıb, çantanı götürüblər Dekabrın 24-də Bakının Xətai prospektində Anar Süleymanova məxsus «Range Rover» markalı avtomobildən şüşəni sındırmaq yolu ilə içərisində 190 min manat olan əl çantası oğurlanıb.
Bu barədə Bakı şəhər baş Polis İdarəsindən bildirilib. Bakı şəhər Baş Polis İdarəsinin Cinayət Axtarış İdarəsi və Nərimanov rayon Polis İdarəsinin 18-ci polis bölməsi əməkdaşlarının keçirdiyi əməliyyat tədbirləri nəticəsində oğurluqda şübhəli bilinənlər, əvvəllər məhkum olunmuşlar Yusif Məhərrəmov və Fariz Kərimov dekabrın 27-də tutulublar.