Qara bazarda Barak Obamanın təsvirində ekstazi həbləri peyda olunub "İtv.az” CBS News-a istinadən xəbər verir ki, ABŞ-ın qara bazarında Barak Obamanın əksi olan ekstazi həbləri peyda olub. "Prezident” narkotiki partiyasını polis Meksika sərhədi yaxınlığında Texas ştatının Palmvyu şəhərində ələ keçirib. Saxlanılan şübhəli şəxsin avtomobilində ekstazi, kokain, heroin və marixuana aşkar edilib.
Polis nümayəndəsi Lenni Sançes (lenny Sanchez) ələ keçirilən həblər yalnız Obamanın başının formasında yox, həmçinin cizgi filmi personajlarının, xüsusən də Homer Simpson və belçikalı rəssam Peonun yaratdığı cırtdan varlıqlarının şəkilindədir. Sançes onu da əlavə edib ki, ekstazi həbləri "uşaq vitaminləri” kimi görünürlər. .
Texas ştatında baş vermiş bu insident Amerikada birinci deyil. Məsələn, yanvar ayında Nyu-Yorkda müsadirə edilmiş heroin Obamanın adı yazılan bağlamada olub.