Tədbir Zaqatala rayonunda təşkil edilib
Gənclərin iştirakı ilə bələdiyyə maarifçiliyi sahəsində «Təlim üçün təlim» kurslarına start verilib. Respublikanın 4 rayonundan 500-ə yaxın gənci əhatə edəcək layihənin məqsədi gənclərin «Bələdiyyələr haqqında ümumi məlumat», beynəlxalq təcrübə, milli qanunvericilik, bələdiyyə seçkiləri kompaniyası, səsvermə və səslərin sayılması prosedurları və digər mövzularda ətraflı məlumatlar əldə etməsidir. Qeyd edək ki, təlimi uğurla başa vuran gənclər xüsusi sertifikatlarla təltif olunacaq və onlar təlim aparmaq üçün əyani materiallarla təmin olunacaqlar.
